Kryeministri i Maqedonisë së Veriut, Dimitar Kovaçevski, ka reaguar pas marrëveshjes së dakorduar mes kryeministrit të vendit, Albin Kurtit dhe presidentit të Serbisë, Aleksandar Vuçiq, e cila parasheh normalizimin e marrëdhënieve mes të dyja vendeve.
Kovaçevski ka thënë se marrëveshje do të jetë pjesë integrale e rrugës evropiane të të dyja palëve.
Sipas tij, Ballkani perëndimor i përket Bashkimit Evropian.
“Mendoj se marrëveshja e sotme për zbatimin e aneksit të marrëveshjes, duke përfshirë edhe marrëveshjen për zbatimin e plotë i detyrimeve të marrëveshjeve të mëparshme nga dialogu është arritje e rëndësishme. Paqja pajtimi dhe zhvillimi ekonomik janë parakushtet kyçe për përparimin e përshpejtuar për të gjithë Ballkanin Perëndimor drejt Bashkimit Evropian”, tha ai para mediave.
“Jam shumë i kënaqur që në emër të qytetarëve tanë dhe ekipit tim ishim mikpritës i këtij proces të rëndësishëm negociues nën kujdesin e Bashkimit Evropian dhe me mbështetjen e Shteteve të Bashkuara të Amerikës… sepse Ballkani perëndimor i përket Bashkimit Evropian”, tha ai.
Dje, gjatë takimit në Ohër, kryeministri Kurti dhe presidenti Vuçiq janë pajtuar që ta implementojnë aktin e zbatimit të marrëveshjes së dakorduar më 27 shkurt në Bruksel.
Ndërkaq, Kurti bëri të ditur se u arrit pajtim publik për një aneks që udhëzon zbatimin e Marrëveshjes, derisa akuzoi Serbinë se i iku sërish nënshkrimit.
