Në hapjen e ekspozitës, Konjufca tha se Selimi po mbahet padrejtësisht në Hagë dhe uroi që të dalë i pafajshëm, përcjell teve1.info
“Por ne e dimë dhe jemi të vetëdijshëm si popull, për drejtësinë dhe pastërtinë e luftës tonë çlirimtare, të cilës i kontribuoi i gjthë populli. I gjithë populli në një mënyrë ishte pjesë e luftës tonë të drejtë. Prandaj urojmë dhe dëshirojmë që të kthehen sa më shpejt në mesin tonë e që të dalin të pafajshëm”, tha ai.
Sipas Konjufcës, Selimi po tregon që është “në mesin tonë”.
“Rexhep Selimi përmes punës së tij po tregon që është në mesin tonë, ai po komunikon me neve përmes artit, veprimtarisë së tij artistike dhe pikturave që na i ka dërguar prej atje”, shtoi ai.
Gjatë dy vjetëve qëndrim në paraburgim në Hagë, Rexhep Selimi i pikturoi 200 piktura.
Ai ndodhet atje nga nëntori i vitit 2020, nën akuzat për krime lufte e krime kundër njerëzimit. /Teve1.info/
