Policia deri sa ishte në një pikë kontrolli ka ndaluar veturën Mercedes me targa vendore. Në veturë përveç vozitësit ishin edhe dy pasagjerë, shkruan Teve1.info
“Njësiti policor përmes rrugëve operative ka pasur informata se këta persona posedojnë dhe mundë të bartin armë pa leje”, thuhet në njoftimin e policisë.
Tutje në raport thuhet se pas marrjes së informacioneve, me urdhër të prokurorit policia ka kontrolluar në shtëpinë e vozitësit, i cili ka pranuar se posedon armë pa leje.
“Pas marrjes se këtyre informatave me urdhër të Prokurorit të shtetit është bërë kontrolli fillimisht në shtëpinë e vozitësit i cili ka pranuar se posedon armë dhe ka dorëzuar një pushkë gjysmë automatike (përsëritëse) cal.7.62 mm. Po ashtu me urdhër te Prokurorit të shtetit është bërë kontrolla edhe në shtëpinë e personit tjetër që ka qenë në veturë i cili ka pranuar se posedon armë dhe ka dorëzuar një pushkë ajrore “broëing “ pa numër serik dhe një revole me gaz model “Ekol Jackal Dual Compakt”, njofton policia.
Të dyshuarit janë dërguar në stacionin policor në Viti, dhe me urdhër të Prokurorit rastet veç e veç procedohet ne procedure te rregullte me kallxim penal “Mbajtja në pronësi, kontroll ose posedim të paautorizuar të armëve”.
