Sipas tyre, pritoret e reja që do të bëhen janë të planifikuara që të jenë më të shfrytëzueshme, sidomos në sezonin e vjeshtës dhe dimrit.
“Jemi duke i zëvendësuar, realisht vetëm një e kemi largu, atë tek Katedralja. Aty ka për t’u vendosur mostra edhe kemi për ta testuar si mostër a po përshtatet e pastaj me vendos versionin final të pritoreve për zonën urbane (modelin e ri të zgjedhur nga Kryetari Rama). Ndërsa, këto ekzistueset në zonën urbane kanë me u zhvendos në zonën rurale”, ka thënë drejtori i Shërbimeve Publike, Ilirik Musliu.
Por prishtinasit po konsiderojnë se ky nuk është vendim i duhur.
Madje ata kritikojnë komunën për shpenzimin e buxhetit në këtë aspekt.
Me 30 tetor të vitit 2019, Komuna e Prishtinës pati nënshkruar kontratë me kompaninë “Selmans Network” për furnizimin me pajisje dhe vendosjen e pritoreve për autobusë të transportit publik të udhëtarëve.
Kjo kontratë, Komunës i ka kushtuar rreth 300 mijë euro.
Kronika e realizuar nga Valëza Sylejmani
