Elezaj ka bërë të ditur se po ashtu do kërkojnë ndihmë edhe nga Qeveria, për shkak se siç thotë ai, buxheti komunal është i kufizuar, përcjell teve1.info
“Ne menjëherë do të formojmë komisionin për vlerësim të dëmeve dhe brenda mundësive buxhetore do t`i ndihmojmë qytetarët e dëmtuar. Gjithsesi do të kërkojmë ndihmë edhe nga Qeveria e Republikës së Kosovës që ta ndajë një fond të veçantë që t`i ndihmohet familjeve të dëmtuara, sepse buxheti komunal është i kufizuar”, ka shkruar ai në Facebook.
Pas vizitës që ka pasur mëngjesin e sotëm në terren, Elezaj thotë se në disa pjesë të qytetit dhe në shumë fshatra, gjendja është e rëndë dhe ka dëmtime në infrastrukturë rrugore dhe në shtëpi apo biznese private.
Shkak i vërshimeve, komuna e Klinës ka marrë vendim të mos mbahet mësimi në shkolla. /Teve1.info/
