Për rezervat shtetëror u ndanë nga buxheti 10 milionë euro.
Ata shprehën përkrahje edhe ndaj propozimit të ministrit të Financave, Punës dhe Transfereve, Hekuran Murati që masa e këtij vendimi të jetë rreth 3.8 në Pakon e Ringjalljes Ekonomike.
“Duke pasur parasysh luhatjet e fundit të çmimeve në tregjet botërore, blerja e rezervave shtetërore është mese e domosdoshme për stabilitetin e tregut vendor. Klubi i Prodhuesve në të njëjtën kohë shfrytëzon rastin që të kërkoj nga Qeveria e Kosovës që blerjet për rezervat shtetërore të bëhen me prodhimet vendore, pasi që konsiderojmë që Kosova prodhon mjaftueshëm produkte esenciale që të jenë pjesë e rezervave shtetërore. Njëkohësisht me blerjen e produkteve Made in Kosova, përkrahen vetë prodhuesit vendor dhe qëndrueshmëria ekonomike e vendit tonë” thuhet në njoftimin e tyre.
Qeveria e Kosovës në mbledhjen e sotme ka vendosur që rezervat shtetërore të përfshihen në Pakon e Ringjalljes Ekonomike si masa 3.8./Teve1.info/
