Në një konferencë për medie, Zogaj theksoi se ky vendim është ndërhyrje në sistemin gjyqësor, teksa bëri të ditur se kanë marrë vendim që puna e gjykatave të reduktohet dhe të punohet vetëm me shërbime esenciale, përcjell teve1.info
“Ne e konsiderojmë se ky vendim është ndërhyrje në sistemin gjyqësor. Kemi shprehur qëndrimet tona në proceset që kanë qenë paraprakisht. Nuk bëhet fjalë për një formë organizimi të niveleve, ndoshta qeveria mund të diskutojë. E vetmja detyrë e qeverisë është me suportu KGJK-në”, tha ai.
Zogaj deklaroi se nëse Qeveria nuk e shfuqizon vendimin, KGJK-ja do të vendosë më 8 dhjetor për masat e tjera.
Në mbledhjen e sotme të Qeverisë, kryeministri Albin Kurti mori vendim me të cilin, pagat në sistemin e drejtësisë u kthyen siç ishin para vendimit të marrë në vitin 2017 nga Qeveria Haradinaj. /Teve1.info/
