Përmes njoftimit, KESCO bëri të ditur se shpenzimi është llogaritur dhe ndarë para datës 9 shkurt me çmim të vjetër dhe pas kësaj date me tarifat e reja.
Tutje, KESCO tregoi edhe përbërjen e strukturës së re tarifore, duke treguar edhe mënyrën e kalkulimit të shpenzimeve.
“Dizajni i faturës i aprovuar nga ZRRE, i është përshtatur nevojave të faturimit sipas ndryshimeve të strukturës së re tarifore. Kalkulimet sipas blloqeve, paraqiten sipas leximit të rregullt dhe strukturës së re të aprovuar.
Gjithashtu, konsumatorët në rubrikën “Neto” e kanë të paraqitur shpenzimin total. Megjithatë, për shkak se tarifat e reja kanë hyrë në fuqi më datën 9 shkurt dhe pjesa e shpenzuar para datës 9 shkurt llogaritet me tarifat e vjetra, në rubrikën “Totali i faturës” paraqitet obligimi që konsumatorët e kanë për pagesë dhe e njëjta është më e ulët sesa vlera e paraqitur te rubrika ‘Neto’”, thuhet ndër tjerash në njoftim.
