Pozicioni i padefinuar saktë i Serbisë në lidhje me orientimin e saj se nëse dëshiron të vazhdoj me BE-në ose Rusinë, ka ngritur zëra kritik brenda Bashkimit Evropian.
Për këtë, Parlamenti Evropian ditë më parë kërkoi që të ndërpriten negociatat me Serbinë për anëtarësim në BE. Madje, po ky parlament ka kërkuar një hetim ndaj komisionarit për zgjerim Oliver Varhelyi, pas dyshimeve se ky i fundit ka favorizuar presidentin serb Aleksandar Vuçiq.
Politologu Dorajet Imeri thotë se ka ardhur koha që BE të tregohet më e prerë me Serbinë.
Ndërsa njohësi i çështjeve politike nga Shqipëria Ben Andoni, në një përgjigje për tëvë1, u shpreh skeptik për nismat e Parlamentit Evropian, ndonëse përshëndeti qasjen e tij ndaj Serbisë.
Gjermania është vendi më i zëshëm brenda Bashkimit Evropian në raport me Serbinë, andaj autoritet gjermane i kanë bërë të ditur Serbisë, se nuk mund të hyjë në BE pa e njohur pavarësinë e Kosovës.
Kronika e realizuar nga gazetari Valmir Gallopeni.
