Këto dëme sipas KEDS-it në pjesë të madhe janë riparuar dhe se gjendja me furnizim me energji elektrike në dy komunat më të dëmtuara nga vërshimet, Skenderaj e Mitrovicë është stabile.
Në Skenderaj sipas KEDS vetëm një zonë e vogël është pa energji ku të hënën pritet rikthimi i saj edhe atje.
“Falë punës së pandërprerë të ekipeve të terrenit të KEDS-it, shumica e dëmeve të shkaktuara nga vërshimet tashmë janë riparuar. Në Mitrovicë e në Skenderaj, të cilat u prekën më së shumti nga këto vërshime, gjendja me furnizim me energji elektrike është stabile. Ka mbetur vetëm një zonë e vogël në Skenderaj pa furnizim për shkak të përmbytjeve të mëdha, megjithatë pritet që nesër edhe kësaj zone t’i kthehet furnizimi i rregullt me energji”, thuhet në njoftim.
KEDS njofton se ekipet e terrenit gjenden akoma në Rugovë në kërkim të prishjes që ka ndodhur në rrjet për shkak të borës së madhe dhe kushteve të papërshtatshme në terren./teve.info/
