Në këtë letër, Kamberi ka potencuar situatën e rënduar të komunitetit shqiptar në Serbi.
“Ndërsa e shkruaj këtë letër 22 vjet pas konfliktit, komuniteti shqiptar në Luginën e Preshevës mbetet minoriteti më i diskriminuar në Republikën e Serbisë. Nuk është marrë asnjë masë për t’i dhënë fund diskriminimit ekonomik ndaj shqiptarëve, për të adresuar përfaqësimin shumë të ulët të shqiptarëve në institucionet shtetërore dhe ndërmarrjet e kontrolluara nga qeveria dhe për të zvogëluar praninë e forcave ushtarake në rajon”, ka shkruar Kamberi.
Tutje Kamberi e ka vizituar Escobarin për një vizitë në Luginë.
“Ne mbetemi të gatshëm të punojmë me ju dhe kolegët tuaj në organizimin e një vizite të frytshme eksploruese në Luginën e Preshevës para raundit të ardhshëm të takimeve të dialogut të udhëhequr nga BE-ja”, ka shkruar Kamberi.
Tutje ai ka bërë të ditur se këtë letër do t’ia përcjellë edhe Përfaqësuesit të Lartë të Bashkimit Europian për Punët e Jashtme dhe Politikën e Sigurisë, Josep Borrell dhe Ursula von der Leyen, Presidentes së Komisionit Evropian.
