Këtë deklaratë Kadrijaj e bëri duke e komentuar mosarritjen e një marrëveshje për targat sot në mes Kosovës dhe Serbisë.
Deputetja e opozitës në emisionin “Ditari” në Tëvë1 tha se Kosova ka nevojë për aleatët e saj ndërkombëtarë dhe për SHBA-në, mirëpo sipas saj Kurti po i refuzon të gjithë.
“Ne i kemi rekomanduar zotit Kurti që t’i dëgjoj amerikanët, që t’i dëgjoj miqtë tanë ndërkombëtarë për një shtyrje të afatit, ne nuk kemi thënë që të mos implemnetohet kjo marrëveshje, asnjëherë nuk kemi thënë që nuk duhet të respektohet sovraniteti dhe integriteti i Kosovë…Kurti dhe Bislmi nuk është dashur të shkojnë fare në Bruksel për çështjen e targave. Ne duhet dhe kemi nevojë për aleatët tanë me kemi nevojë për një dakordancë në mes miqve tanë ndërkombëtarë dhe zoti Kurti po i refuzon të gjithë…Kosova nuk e ka lluksin që tash të prodhojë ndonjë krizë”, tha ajo.
Tutje Kadrijaj foli për propozimet që AAK-ja i ka bërë Kurtit për të dalë nga kjo situatë.
“Propozimet tona janë që t’i lejohet Shteteve të Bashkuara të Amerikës t’i jepet afati kohor që ka kërkuar Amerika për implementimin e marrëveshjes për targat, t’i kthehet dialogut me serbët lokalë, t’i kthehet dialogut dhe koncenzusit me partitë opozitare, ta kemi një strategji dhe një qasje se di duhet të veprohet dhe si duhet edhe të dilet nga kjo situatë dhe si duhet të veprohet në të ardhmen”, shtoi ajo./Teve1.info/
