BBC ka raportuar që bisedimet e propozuara nga Franca, mund të kenë zhvillime vetëm nëse Rusia nuk e pushton fqinjin e saj Ukrainën, ka thënë Shtëpia e Bardhë .
Takimi është një mundësi e mirë për zgjedhje të mundshme diplomatike, për njërën nga krizat më të mëdha në Evropë gjatë këtyre dekadave, ku sipas zyrtarëve amrikanë intelegjenca ka dhënë si opsion që Rusia është e gatshme për fillimin e një operacioni ushtarak, të cilin Moska e ka mohuar.
Presidenca franceze ka dhënë njoftimin pas telefonatave gati tre orë në total mes presidentit Emmanuel Macron dhe zotit Putin.
“Ne jemi gjithmonë gati për diplomaci. Ne jemi gjithashtu të gatshëm të imponojmë pasoja të shpejta dhe të rënda nëse Rusia në vend të kësaj zgjedh luftën. Dhe aktualisht, Rusia duket se po vazhdon përgatitjet për një sulm të plotë në Ukrainë shumë shpejt”, tha Jen Psaki në një deklaratë.
Bisedë tjetë r 15 minutëshe pati edhe Macron me Biden, në orët e para të së hënës me orën e Moskës.
Në deklaratën e presidencës franceze thuhet se samiti do të pasohet nga një mbledhje e mëpasshme e “aktorëve përkatës për të diskutuar sigurinë dhe stabilitetin strategjik në Evropë”. Macron “do të punojë me të gjitha palët e interesuara për të përgatitur përmbajtjen e këtyre diskutimeve.”
