Të gjitha përgatitjet për fillimin e mësimit janë bërë. Por edhe java e tretë e shtatorit, i zuri në grevë mësimdhënësit.
E pavarësisht se kolektivi i shkollës “Emin Duraku” në Prishtinë po e zbaton vendimin e SBASHK-ut për grevë, drejtori i kësaj shkolle, Visar Osmani thotë se kjo nuk është alternativa më e mirë.
“Thirrja ime si prind, si pedagog, e jo si drejtor shkolle është që duhet të zhbllokohet procesi. Të mendohen pse jo edhe altrenativa të tjera, protestës prej organizatorëve. Të evitohet humja e mësimit”, deklaroi ai.
Vazhdimin e grevës e arsyetoi mësimdhëniesa Luljeta Fonda.
Procesi i mësimit nuk filloi as në shkollën “Asim Vokshi” në kryeqytet.
Drejtori i kësaj shkolle, Nazif Jashari thekson se duhet menduar dëmi që po u bëhet fëmiijëve.
“Ne e dimë që greva nuk është zgjidhje e mirë. Duhet të bëhet një zgjidhje tjetër, sa më fatlume që nxansat mu kthy në shkollë. Urojmë që SBASHK-u dhe Qeveria të bien në një marrëveshje në mënyrë që nxansat të rikthehen në shkolla”, tha ai.
Greva e përgjithshme në arsim ka filluar nga 25 gushti dhe është paralajmëruar të përfundojë vetëm atëhere kur kërkesat e mësimdhënësve të realizohen.
Kronika e gazetares Valëza Sylejmani.
