Jashari në fjalën e tij tha se grevën në sektorin e arsimit nuk e ka shpallur ai, por zëri i mësimdhënësve të Kosovës.
“9 muaj rrugëtim, 82 letra të gjithë deputetëve ju kemi dërguar letra por është keqpërdor dialogu jonë. Situatën në arsim nuk e sollëm ne por Qeveria me injorimin totale ndaj sindikatave dhe kjo është një tendencë e Qeverisë të shuhen Sindikatat, pra zëri sindikal. Rahman Jasharaj nuk e ka shpallur grevën por zëri i mësimdhënësve të Kosovës”, tha ai.
Jasharaj komentoi edhe qasjen e Qeverisë karshi tij dhe gjithë mësimdhënësve grevist, teksa tha se takimet me institucionet e vendit nuk do të mbahen më pa praninë e mediave sepse sipas tij, me këto takime po bëhen lojëra e ironi me njerëz.
“Takimet me institucionet kurrë më nuk do ti mbajmë pa mediat sepse mediat do të transmetojnë atë që po thuhet, e jo të bëhet lojë e ironi me njerëz. Duke atakuar personin i cili është zgjedhur në mënyrën më legjitime, partia në pushtet me eksponentët e vet madje edhe me deputetët dhe me ministren Nagavaci e cila duhet të jetë personi i parë që dërgon mesazhe qetësie ndodhi e kundërta. U tentua që Rahman Jashari të shpallet armik i vendit, një njeri që tërë jetën ja kushtoj arsimit dhe asnjëherë nuk u distancua asnjë deputet i pozitës e as kryemisnitri, qytetar i shtetit që drejton ai jam edhe unë” shtoi ai.
Ai ka thënë e fajtori i vetëm për situatëm në arsim është kryeministri Kurti.
“I vetmi fajtor është Albin Kurti dhe qeveria që ai e drejton”, tha Jasharaj./teve1.info/
