Siç bën të ditur ai, arsyeja është përfundimi i marrëdhënies së punës me MPJD-në dhe rastin e thyerjes së zyrës së tij, përcjell teve1.info
Në një postim në Facebook, ai ka thënë se ministrja Gërvalla dhe sektretari Isma kanë “keqpërdorur pozitën dhe autoritetin zyrtar dhe me vendimet dhe veprimet e tyre kanë kryer disa vepra penale për të cilat duhet të përgjigjen penalisht”.
Tutje ai ka theksuar se Gërvalla ka sajuar trillime me qëllim për, siç thotë ai, të arsyetimit të thyerjes së zyrës.
“Ministrja Schëarz, lidhur me këtë rast, është deklaruar disa herë publikisht dhe ka sajuar trillime dhe të pavërteta me qëllim të arsyetimit të thyerjes së kundërligjshme të zyres. Në këtë zyre (një kopje të çelësit të të cilës do të duhej t’a këtë edhe ministria), si diplomat i karrierës për shumë vite, kam pasur dokumente zyrtare dhe të rëndësishme për fatin e të cilave nuk di asgjë. Në këtë zyre, kam pasur mjete, të dhëna dhe gjesende personale (me vlerë materiale dhe jo materiale), të cilat asnjëherë nuk i kam pranuar dhe për fatin e tyre nuk di asgjë deri më sot”, ka shkruar ai në Facebook.
Në fund të muajit dhjetor, ministrja Gërvalla kishte thënë në “Kallxo përnime” se nuk ka pasur thyerje të derës së zyrës së Hazirit por vetëm hyrje në zyrë. Këtë veprim Gërvalla e ka arsyetuar duke thënë se “ne na duhen zyrat që nuk janë pronë private e zyrtarit”. /Teve1.info/
Postimi i plotë i Hazirit në Facebook:
KALLËZIM PENAL KUNDËR MINISTRES SCHWARZ DHE SEKRETARIT ISMA!
Të nderuar miq!
Meqë një pjesë e madhe e juaja më keni shkruar edhe personalisht dhe keni shprehur shqetësimet tuaja lidhur me mënyrën e shkëputjes së marrëdhënies time të punës zyrtare në MPJD dhe rastit të thyerjes së zyres time të punës, ju njoftoj se:
– Ndaj vendimit të kundërligjshëm dhe arbitrar të ministres për përfundimin e marrëdhënies së punës time në MPJD, kam parashtruar padi në gjykatën kompetente.
– Ndaj rastit të thyerjes së zyres time tashmë kam parashtruar Kallëzim Penal në Prokurori, kundër ministres Schwarz dhe sekretarit Isma.
Fatkeqësisht, disa javë para vendimit për shkëputje të marrëdhënies së punës, isha në pushim pa pagesë dhe zyra ime ishte thyer kundërligjshëm dhe pa më njoftuar askush.
Ministrja Schwarz, lidhur me këtë rast, është deklaruar disa herë publikisht dhe ka sajuar trillime dhe të pavërteta me qëllim të arsyetimit të thyerjes së kundërligjshme të zyres.
Në këtë zyre (një kopje të çelësit të të cilës do të duhej t’a këtë edhe ministria), si diplomat i karrierës për shumë vite, kam pasur dokumente zyrtare dhe të rëndësishme për fatin e të cilave nuk di asgjë.
Në këtë zyre, kam pasur mjete, të dhëna dhe gjesende personale (me vlerë materiale dhe jo materiale), të cilat asnjëherë nuk i kam pranuar dhe për fatin e tyre nuk di asgjë deri më sot.
Pavarësisht kërkesave të vazhdueshme për t’u shkarkuar nga përgjegjësia e zyres dhe për të marrë gjërat e mia private, asnjëherë nuk kam pranuar përgjigje.
Në këtë mënyrë, ministrja dhe vartësi i saj, sekretari i përgjithshëm, kanë keqpërdorur pozitën dhe autoritetin zyrtar dhe me vendimet dhe veprimet e tyre kanë kryer disa vepra penale për të cilat duhet të përgjigjen penalisht.
Pas shumë viteve punë dhe angazhim të palodhur në diplomaci dhe shërbimin e jashtën të vendit, një trajtim të tillë jo dinjitoz dhe të paligjshëm nuk e kam pritur e as meritur.
Sidoqoftë, do të vazhdoj të mbroj të drejtat e mia në të gjitha instancat gjyqësore, dhe do t’i deponoj të gjitha dëshmitë ku provojnë të kundërtën e asaj që thuhet nga Shwarc dhe vartësit e saj. Unë kam besim të plotë në përfundimin e suksesshëm të këtyre betajave ligjore.
Në këtë rast, e falënderoj avokatin tim z.Faton Fetahu për përfaqësimin dhe mbrojtjen profesionale dhe do tju mbaj të informuar për zhvillimet e procedurave përkatëse.
Faleminderit për përkrahjen dhe solidaritetin e secilit prej juve!
