Imeri tha se në shtetet e tjera mjekët kosovarë po tregohen të suksesshëm, ndërsa në Kosovë po akuzohen.
Sipas saj, po të trajtohet shëndetësia mirë nga politika, sigurisht do të trajtohen mirë edhe nga qytetarët.
“Të njëjtit profesionistë shëndetësorë po tregohen të suksesshëm në shtetet e jashtme, çka po ndodh që vetëm në Kosovë s’po tregohen të suksesshëm dhe po akuzohen. Krejt kjo besojë që është përulja dhe nëpërkëmbja që e ka bërë politika ndër vite shëndetësisë dhe nuk e ka ranguar asnjëherë në vendin ku do të jetë. Sepse po të trajtohet mirë nga politika sigurisht që do të trajtohej mirë nga qytetarët dhe do të shihen me një sy tjetër”, theksoi ajo.
Imeri në “Ditari” në Tëvë1, foli edhe për rastin e tre kirurgëve në Spitalin e Vushtrrisë, të dyshuar për ryshfet. Ajo tha se dyshon që ky rast është propagandë.
“Kam biseduar me disa kolegë të mi, puna e cila bëhet dhe operacionet që kryen në Spitalin e Vushtrrisë është shumë më i madh sepse ky dëm që po supozojë të jetë një propagandë, shumë është më e madhe puna të cilën e kanë kryer kirurgët atje sesa dëmet që iu paska shkaktuar në dëmin material. Nuk e arsyetojë në asnjë mënyrë as 50 apo dy me i marrë, mirëpo po shikohet vetëm këndi çfarë po ndodh”, përfundoi Imeri. /Teve1.info/
