Imeri në emisionin “Këndi i Debatit” në Tëvë1 madje tha se është humbur edhe mundësia që të përdoret Asociacioni për ta avancuar pozitën politike të Kosovës në arenën ndërkombëtare.
“Kosova në fakt fillimisht e ka humbë betejën në raport me Asociacionin dhe e ka humbur mundësinë që ta përdorë atë, për ta avancuar pozitën e vet politike në arenën ndërkombëtare. Pra ti për me hy në finale duhet me kriju Asociacionin po mendoj që një kapitalizim për të cilën po flas është se unë mendoj që Kosova është dashtë të filloj ta diskutoj në forume në mënyrë që të mos duket diçka e paarritshme sepse me gjasë kjo do të bëhet”, tha ai.
Sipas Imerit, ShBA-të e kanë një plan se si do të realizohen pikat të cilat kanë të bëjnë me çështjen e Asociacionit.
“Shtetet e Bashkuara të Amerikës me gjasë e kanë një plan të qartë se si do t’i realizojë këto pika pra është vet ky tregues sepse po flasim muaj më parë Escobar e ka dhënë deklaratën se do të identifikojnë partnerët e tjerë kjo nuk lidhet me qëndrimin që ka Qeveria por lidhet me qëndrimin që ne e kemi në raport me këtë pikë aq të madhe të cilën unë kam një bindje se kemi mundur ndoshta ta përdorim më mirë”, tha ai.
Teksa theksoi se Kosova duhet t’i kryejë obligimet e veta ndërkombëtare dhe eventualisht sipas tij, mund të shkohet pastaj në marrëveshjen e propozuar nga gjermanët dhe francezët. /teve1.info./
