Sipas njoftimit, turbullirë e theksuar e ujit është vërejtur në rajonin e Deçanit, Klinës dhe Istogut.
“IKShP / QRShP Pejë në monitorim të vazhdueshëm në lidhje me situatën e krijuar pas reshjeve të shiut. Pas situatës së krijuar nga reshjet e shiut IKShP / QRShP Pejë është në bashkëveprim dhe në kontakt të vazhdueshëm me KRU Hidrodrini – Pejë. Bazuar në të dhënat e inspektimit nga tereni, vërehet turbullirë e shtuar e ujit dhe atë kryesisht në rajonin e Deçanit, Klinës dhe Istogut”, thuhet ndër tjerash në njoftim.
Tutje, IKSHPK ka bërë thirrje për kontroll dhe monitorim të vazhdueshëm të ujit për pije, teksa janë dhënë disa rekomandime.
“Situata është nën kontrollë dhe monitorim të vazhdueshëm me mostrimin e ujit për pije. Rekomandimet e përgjithshme deri në rekomandimet e rradhës: 1. Uji para përdorimit të vlohet, 2. Të konsumohet uji për pije nga resurset e sigurta ose uji i ambalazhuar”, thuhet në njoftim./teve1.info/
