Hoxhaj iu ka drejtuar kryeministrit, Albin Kurti se arsimtarët janë të të gjitha partive politike dhe janë qytetarë të Kosovës, teksa ka ftuar këtë të fundit që të bisedojë me sindikatat, raporton Teve1.info
“Unë nuk po flas këtu si deputet i PDK-së dhe si deputet i një subjekti politik, i cili kaherë edhe në këtë seancë po na thuhet që jemi sindikata e sindikatës, edhe neve edhe kolegëve të LDK-së. Ne nuk jemi sindikatë e sindikatës, por jemi ata të cilët jemi edhe prind që kemi fëmijë në shkolla publike dhe e dimë sesa e dëmshme është humbja e këtyre katër javëve të para të vitit shkollor. Fakti, që nuk po ka vullnet që të kërkon konsensus me sindikatën, tregon shumë se ku kemi në shtatorin e 2022. Kryeministër, arsimtarët janë të të gjitha partive politike, janë qytetarë të Kosovës dhe iu ftojë që të rikthehemi e të bisedoni me ta”, tha ai.
Po ashtu, Hoxhaj ka ftuar kryeministrin Kurti që nuk ka nevojë ta luaj të fortin në raport me sindikatat.
“Unë po e ftoj sot që nuk ka nevojë ta luan rolin e të fortit në raport me sindikatat. Nuk ka nevojë ta luaj rolin e të fuqishmit në raport me opozitën, por ka nevojë ta kuptojë në thelb se si duket procesi demokratik”, deklaroi Hoxhaj. /teve1.info/
