Ai ka thënë se Serbia me vendimin e sotëm për të mos vënë sanksione ndaj Rusisë e dëshmoi se do të vazhdojë të rezervohet për këtë çështje dhe se ka lidhje speciale me Rusinë, jo vetëm për arsye historike po edhe për arsye të interesave më të thellë.
Pas këtij vendimi të Serbisë, ai ka thënë se shtetit serb i ka ardhur koha të zgjedhë të ecë në rrugën e vetë, ose të bëhet pjesë e Bashkimit Evropian.
“Ndërhyrja e Rusisë paraqet në mënyrë të turpshme shkeljen e Kartës se Organizatës të Kombeve të Bashkuara, sepse marrin mbi vete respektin për shtetet tjera”, u shpreh Hoti.
Po ashtu Hoti ka theksuar se Rusia përmes këtij akti ka treguar që është në anën e mbrapshtë të historisë, si dhe implikimet për vendet e tjera do të jenë negative.
Sipas Hotit, Ballkani e në veçanti Kosova është me fat për shkak të gjeografisë.
“Nga këto rrethana Rusia nuk mund të mbërrijë në Ballkan as përmes rrugëve tokësore e as atyre ajrore pa shkelur nëpër shtetet e NATO-s, për shkak të kësaj nuk shoh ndonjë rrezik real për t’u implikuar”, ka shtuar Hoti.
