“Ne e kuptojmë se Serbia ka një marrëdhënie historike dhe përvojë me sanksionet, por ajo ka filluar të paguajë një çmim shumë të lartë për përmbajtjen e saj ndaj sanksioneve kundër Rusisë që u miratuan për të ndaluar një sulm brutal ndaj fqinjit të saj (Ukrainë)”, tha Hill para një debati me temë “Lufta kundër kapjes së shtetit në Evropën Juglindore: përmbushja e premtimit evropian për sundimin e ligjit”.
Kur është fjala për propozimin e marrëveshjes bazë ndërmjet Beogradit dhe Prishtinës, ai tha se BE-ja dhe SHBA-ja besojnë se është “rruga e duhur për të ecur drejt zgjidhjes së problemit” që ka rënduar rajonin për më shumë se 20 vjet.
“Ne duhet ta shqyrtojmë seriozisht këtë propozim dhe të mendojmë për mënyrat për ta miratuar atë, për të punuar në të”, tha ai, shkruan N1.
Evropianët, shtoi ai, bënë përpjekje të mëdha për t’i afruar të dyja palët.
“Të gjithë po përpiqen të gjejnë një zgjidhje për këtë problem, për të krijuar një situatë paqësore në rajon. SHBA-ja 100% e mbështet propozimin e BE-së, është e drejtë të thuhet se është një proces, nuk ka përfunduar, por mendoj se ka progres”, theksoi ambasadori.
