Haxhiu ka shkruar se autorët e kësaj masakre lavdërohen në Serbi.
“Sikur as kjo të mos mjaftonte, një varg masakrash do të kryheshin me direktivat e regjimit serb ndaj popullsisë së pafajshme e liridashëse, vetëm pse ishin shqiptarë”, është shprehur Haxhiu.
Ajo është shprehur se kërkimi i shtetit për drejtësi nuk do të pushojë kurrë.
“Do t’i kujtojmë përherë e do të angazhohemi pandalur që Serbia të marrë dënimin e merituar për të gjitha ato krime që ka kryer, për të cilat nuk pendohet dhe të cilat i mohon”,ka shkruar Haxhiu.
Haxhiu ka shkruar se do t’i mësojë brezat për vuajtjet e shkaktuara nga kriminelët serb.
“Do ta mbrojmë lirinë tonë të shtrenjtë duke kujtuar përherë martirët e rënë gjatë luftës për liri”, ka shkruar Haxhiu.
