Këto deklarata ai i ka bërë në një postim në Facebook, pas miratimit të Projektligjit të Pagave për Zyrtarët Publik i cili ua zvogëlon pagat gjyqtarëve dhe prokurorëve.
“Albin Kurti ka marrë mision shkatërrimin e shtetit. Pas shkaktimit të rrezikut në veri, ngecjes në dialog dhe prishjes me amerikanët, sot ka vendosur ta shkatërrojë sistemin e drejtësisë. Me vendimin e qeverisë që të shfuqizohet vendimi im për rritjen e pagave për gjyqtarë dhe prokurorë, nga sot drejtësia do të punojë me paga të përgjysmuara”, shkroi ai.
Sipas Haradinajt, ata që mbrojnë çdo ditë shtetin dhe drejtësinë janë goditur sot nga “Kryeministri i shkatërrimit”.
Madje, kreu opozitar ka ftuar kryeministrin të kthejë pagat e tyre në nivelin që kanë qenë, sepse mund të shkatërrohet njëri prej segmenteve më të rëndësishëm të një shteti.
“Prokurorët dhe Gjyqtarët që çdo ditë mbrojnë shtetin dhe drejtësinë, sot janë goditur nga Kryeministri i shkatërrimit. Ftoj Kurtin që menjëherë të kthejë pagat e Prokurorëve dhe Gjyqtarëve në nivelin që kanë qenë sepse përndryshe mund të shkatërrohet nga brenda njëri prej segmenteve më të rëndësishëm të një shteti, drejtësia. Nëse nuk ndalesh pasojat do të jenë të pariparueshme!’, thuhet ndër tjerash në postim./teve1.info/
