Parmes një statusi në Favebook, Haradinaj ka shkruar se fajtori i vetëm për këtë gjendje e ka vetëm një emër, sipas tij, ai është Albin Kurti.
Haradinaj i ka quajtur të rrezikshme sjelljet dhe veprimet e Kryeministrit të Kosovës, në raport me situatën e krijuar në Kosovë.
Sipas tij, mospërfillja e kërkesës amerikane për shtyrjen e zbatimit të vendimit për targat, e ka sjellë situatën buzë shpërthimit.
“Kemi ardhë në një situatë që do të mund të rrezikonim jetët e qytetarëve të Kosovës por edhe të policëve.
E gjithë kjo, për arsye krejt të paqëndrueshme, për ta kthyer situatën e para një muaji, ku kursi i gabuar që kishte zgjedhur Kryeministri, ka shkaktuar dëme të mëdha, duke asgjësuar një punë të jashtëzakonshme që ishte bërë gjatë gjithë këtyre viteve për integrimin e serbëve në institucionet ë vendit.
E kuptoj sjelljen e plot kundërshtarëve politikë të Kryeministrit që i gëzohen fundosjes politike të tij, por unë jam i shqetësuar, jo për dështimin e Kryeministrit, por për dështimin e të gjithë neve si Kosovë”, ka shkruar Haradinaj ndër të tjera.
