Në këtë vend pritet që të fillojë një projekt i ri.
Kjo pasi Ministria e Infrastrukturës ka hapur një tender për kyçjen e Vitisë në autostradën “Arbën Xhaferi”.
Vlera e këtij projekti, siç thuhet nga Ministria është rreth 2.8 milionë euro.
E këtë e ka mirëpritur kryetari i Komunës, teksa akuzoi Qeverinë për mostransparencë rreth procesit.
Sipas tij, niveli lokal nuk është njoftuar fare nga ai qendror për këtë projekt.
Ai vlerëson se vlera e përcaktuar nuk është e mjaftueshme për kryrjen e punës, teksa shpreson që kjo të përfundojë sa më shpejt.
I pari i komunës thekson se me përfundimin e këtij projekti do të ketë shumë lehtësira për banorët e kësaj ane.
Ministria ende nuk ka bërë të ditur se kur do të fillojnë punimet në këtë drejtim.
Ndërkaq, kjo është hera e dytë kur mirret vendimi për këtë tender, pasi që i fundit u anulua pas rritjes së çmimeve.
Kronika e gazetarit Lindrit Zejnullahu.
