Hajdari në seancën e Kuvendit ka thënë se ky Projektligj do të eliminoj mangësitë ligjore ekzistuese në lidhje me sigurinë e produkteve, shkruan teve1.info
“Transpozimi i plotë i direktivës 2001-95 të Komisionit Evropian në sistemin ligjor të Republikës së Kosovës do të eliminoj mangësitë ligjore ekzistuese në lidhje me sigurinë e produkteve duke pasur parasysh që ligji i ri do të zbatohet për të gjitha produktet siguria e të cilave nuk rregullohet me rregullore të veçanta, duke krijuar kështu një bazë ligjore funksionale për sigurinë e përgjithshme të produkteve”, tha Hajdari.
E sa i përket sigurisë së produkteve, sipas saj arsye kryesore për rregullimin e kësaj fushe përmes këtij Projektligji është sigurimi i nivelit më të lartë të mbrojtjes së shëndetit të konsumatorëve.
“Sa i përket sigurisë së produkteve arsye kryesore për rregullimin e kësaj fushe përmes këtij projektligji është sigurimi i një niveli më të lartë të mbrotjtes së shëndetit dhe sigurisë së konsumatorve që përdorin produktet si dhe përdoruesve të tjerë”, deklaroi Hajdari.
Tutje, ministrja Hajdari theksoi se ky Projektligj do të siguroj vendosjen e produkteve të sigurta në treg dhe do të parandaloj prodhimin, importimin dhe vendosjen e produkteve mashtruese dhe ekspozimin e tyre.
“Rrjedhimisht do të sigurojë vendosjen në treg të produkteve të sigurta dhe do të parandalojë prodhimin, importimin dhe vendosjen në treg të produkteve mashtruese si dhe eksportimin e tyre”, u shpreh Hajdari./teve1.info
