Ndërkaq, kryetari i Këshillit Koordinues për të zhdukurit, Ahmet Grajçevci, ka përgatitur mijëra dokumente të tilla që nga përfundimi i luftës
Por, pavarësisht kësaj, ky nuk u ftua të jetë pjesë e Institutit për hulumtimin dhe dokumentimin e krimeve të luftës.
“Nuk na kanë kërkuar, po nëse na kërkojnë ne jemi të gatshëm ta japim ndihmën tonë”, tha Grajçevci.
Pavarësisht që nuk është pjesë e tij, Grajçevci shprehet i lumtur që u rithemelua ky institut. Ndërsa shton se me materialin që e posedon, mund të përgatitet padi për gjenocid kundër shtetit serb.
Por, ndryshe nga Grajçevci, anëtar në këtë institut, është zgjedhur Nusret Pllana.
“I ka më shumë se 40 vjet që kam përgatitur materiale për ta denoncuar krimin serb..”, tha Pllana.
Pllana thotë se posedojnë qindra videokaseta të masakrave të luftës së fundit në Kosovë.
Por, për krimet serbe në Kosovë shkroi edhe shumë libra, të cilat u promovuan në shumë shtete.
Ndryshe, të mërkurën ministrja e Drejtësisë, Albulena Haxhiu, njoftoi se Kosova do ta ketë institutin që do të merret me hulumtimin dhe dokumentimin e krimeve të luftës.
Kronikë e realizuar nga gazetari, Fidan Zejnullahu
