Lajmi është konfirmuar për Tëvë1 nga Gjykata Speciale, duke demantuar kështu deklaratat e kryetarit të Partisë Socialdemokrate, Dardan Molliqaj.
“Jo, kryetarja e Gjykatës Speciale, Trendafilova nuk është takuar me kryeministrin, Albin Kurti”, thuhet në përgjigje.
Ndryshe, të mërkurën Molliqaj tha se Kurti po përpiqet t’i normalizojë marrëdhëniet me Trendafilovën, pasi kjo e fundit anuloi vizitën e saj në Gjilan për shkak të protestës së lajmëruar.
“Sot qytetarët e shumtë që ishin mobilizuar për protestë, e detyruan Gjykatën që të dorëzohet nga synimi i saj që t’bëjë propagandë. Ndërsa Kurti, përkundër vullnetit qytetar, e paska ngushëlluar atë, duke i garantuar që Qeveria e tij ia njeh legjitmitetin dhe ia pranon vizitat e propagandën. Por shumë shpejt do t’i tregojmë edhe Kurtit edhe Gjykatës Speciale që qytetarët e dojnë dhe besojnë në luftën e vet çlirimtare!”, shkroi Molliqaj.
Kryetarja e Gjykatës Speciale, Ekaterina Trendafilova, kishte planfikuar që të mërkurën ta vizitojë Kosovën, por e kishte anuluar atë për shkak të paralajmërimve për protesta nga PSD. /teve1.info/
