Gërxhaliu tha se Kosova ka hyrë një krizë jo vetëm ekonomike por edhe sociale dhe nacionale.
Sipas tij një pagë e propozuar nga Sindikatat prej 350 duhet të jetë vetëm një bazë fillestare, shkruan Tëvë1.
“Kosova ka hyrë në një krizë jo vetëm ekonomike por edhe sociale dhe nacionale, dhe kriza e ka bërë të vetën kudo në botë dhe Kosovë. Brenga ime më e madhe është ngufatja e këtij dialogu të mirëfilltë të partneritetit publiko-privat është koha kur ky dialog të avancohet dhe çofëse i kemi parasysh indikatorët ekonomik, rritjen ekonomike koston edhe shumë indikator të tjerë, atëherë një pagë e propozuara prej 350 duhet të jetë një bazë fillestare që duhet të forcohet mes punëdhënësve, punëmarrësve dhe institucioneve”.
“Është momenti i fundit kur duhet të veprohet sepse Kosova është vonuar në këtë drejtim”, tha ai.
Gërxhaliu foli edhe për braktisjen e të rinjve kohëve të fundit në Kosovë, ku tha se paga minimale nuk duhet të mendohet vetëm në aspektin numerik apo ekonomik por edhe emocional.
“Besoj që është koha kur duhet të bihet një ujdi për sektorin privat, dhe të punësuarit që duhet të jenë aktiv në këtë drejtim. Falë një page të tillë me të cilat shumë të rinj janë duke braktisur kosovën dhe për pagën minimale nuk duhet të mendohet vetëm në aspektin numerik apo edhe ekonomik por edhe emocional”, tha ai.
Ekonomisti deklaroi se tanimë është koha kur Këshilli Ekonomiko-Social ta thotë fjalën e fundit, pasi siç u shpreh ai ka kaluar më shumë se një vit që nuk ka pasur takim tripalësh mes sindikatave.
“A duhet të jetë 350 apo 400 apo 500 siç e kërkon sindikata e Shëndetësisë definitivisht duhet të fillojë debati sepse kaloi një vit e më tepër kur nuk kemi pasur takim trepalësh dhe është koha kur këshilli ekonomik-social ta thotë fjalën e fundit”, përfundoi Gërxhaliu.
