Gjatë një interviste për mediumin estonez, ERR, Gërvalla ka thënë se kjo për faktin se, sipas saj, Gjykata Kushtetuese e Kosovës ka konstatuar se 23 nenet e kësaj marrëveshjeje nuk janë në përputhje me Kushtetutën e Kosovës.
“Beogradi vërtet flet për këtë shoqatë, por ky propozim ka vdekur dhe nuk mund të ringjallet. Gjykata Kushtetuese vendosi që kjo të mos ndodhte. Duke folur me partnerët dhe aleatët tanë, dëgjojmë se ky duhet të jetë një formacion që i jep të drejta komunitetit serb, por nuk shoh ndonjë të drejtë që kushtetuta nuk i garanton”, është shprehur ajo.
Ndërsa, duke diskutuar për kërkesën e Serbisë për një Asociacion i cili ka kompetenca ekzekutive, kryediplomatja kosovare ka dhënë si shembull Bosnje e Hercegovinën.
“Nëse flasim për pushtetin ekzekutiv, shembulli më i mirë është Bosnja dhe Hercegovina, ku ata ngritën një mekanizëm, duke i dhënë një kombi një pushtet të tillë ekzekutiv që shteti të mos funksionojë më. Nuk do të bëjmë diçka të tillë në Kosovë. Të drejtat e pakicave janë të rëndësishme, por dhënia e të drejtave të tilla që e paralizojnë vendin tonë dhe e bëjnë atë jofunksional, nuk do të ndodhë. Prandaj themi se po flasim për gjithçka, jo vetëm për asociacionin, që më në fund të arrijmë në njohje reciproke dhe të zbatohen të njëjtat parime për të dyja palët”, shtoi ndër të tjera ajo./ERR/
