Kryeredaktori i Tëvë1, Zijadin Gashi, tha se presidenti serb Aleksandar Vuçiq, po insiston në pikën e cila ka të bëjë me zbatimin e Asociacionit të komunave serbe, në mënyrë që këtë Vuçiq ta prezantojë në Serbi si fitore të tij karshi Kosovës.
Gashi duke komentuar takimin e sotëm i cili po mbahet në Ohër të Maqedonisë së Veriut, tha se sipas burimeve të Tëvë1, shihet se problemi mes palëve ka të bëjë te nënshkrimi për një pajtim në parim.
“Duke shfrytëzuar burimet tona që i kemi shohim disa problem që kanë dalë atje së pari është insistimi edhe i kryemninistrit Kurti në bazë të asaj që kam marrë vesh nga burimet që i kemi atje, që çfarëdo marrëveshje që në fund nëse konkludohet, duhet të nënshkruhet. Dhe kundërshtimi i presidenetit serb Vuçiq që nuk do të ketë nënshkrim për një pajtim në parim qoftë nevoja që ky nënshkrim nëse nuk ndodh në Ohër duhet të ndodhë në Bruksel, Paris, Berlin kudo qoftë. Por kryeministri Kurti e ka një qëndrim, në bazë të kësaj që kam mësuar, që duhet të nënshkruhet si dy shtete, si dy burrështetas, duhet ta nënshkruajnë marrëveshjen dhe formën që kërkohet”, tha ai.
Tutje Gashi në emisionin “Këndi i Debatit”, tha se problemi më i theksuar dhe pika më e ndjeshme është tek çështja e Asociacionit.
“Pastaj një problem tjetër është te Asociacioni, që ka të bëjë me eliminimin e dykuptimësive te plani i veprimit, Asociacioni është pika më e ndjeshme. Këtu kërkesa kryesore e palës serbe është që Asociacioni të zbatohet si një prej pikave me të cilën Vuqiç do ta prezantojë në Serbi si një fitore të tij, ndërkaq insistimi i kryeministrit Kurti, ka qenë që të përcaktohet qartë, dmth qysh tash se çfarë organi do të dukej ky Asociacion dhe jo të mos përcaktohet, as me plane veprimi. Për atë bëhet një plan veprimi dhe duhet të ketë një qartësi se çfarë Asociacioni dëshirohet të arrihet “, shtoi tutje ai./teve1.info./