Gashi në emisionin “Respublika” tha se është shumë e rëndësishme që të thellohen partneritetet me vendet kyçe të Bashkimit Evropian dhe me Shtetet e Bashkuara të Amerikës, në mënyrë që përmes atyre partneriteteve të avancojmë këtë çështje.
“Dhe aty kam frikë unë që në disa raste ne nuk po kemi vullnet ose ndoshta kapacitete ose aftësi ose të tria që interesat tona t’i projektojmë më së miri përmes këtyre partneriteteve, gjë që do të reflektohej edhe në negociatat në Bruksel”, tha Gashi në Tëvë1.
Më tej ai tha se çështja e dialogut nuk është çështje populizmi. Sipas tij, është shumë lehtë të thuhet “ne e meritojmë këtë, dhe nuk lëshojmë pe”. Por, ai thotë se duhet vullnet e kapacitet në negociata, pasi siç thotë ai edhe fal negociatave Kosova është çliruar dhe është pavarsuar.
“E vërteta është që edhe Kosova është çliruar jo vetëm fal luftës dhe sakrificës, por edhe fal negociatave. Kosova është pavarësua jo veç fal mundit të cilit e kanë dhënë plot gjenerata, fal sakrificës së tyre, por edhe fal negociatave… Edhe tash. E drejta në anën tonë. Ne jemi të rreshtuar në anën e Perëndimit, demokracisë e tjerë. Por kjo nuk mjafton. Edhe në negociata duhet të ketë aftësi që kjo të nxirret në favorin tonë. Shpresoj që do t’ia dalim, nuk po e paragjykoj të ardhmen, por po kam frikë që deri tani qartazi ka pasur vështirësi”, tha Gashi.
