Në fjalën e tij në emision “Këndi i Debatit” në Tëvë 1, Gashi thotë se ka spekulime që ky është një plan i presidentit rus, Vladimir Putin, për të parandaluar përpjekjet e Ukrainës për aspiratat drejt Perëndimit.
“Sigurisht ka shumë skenarë që diskutohen se cili është objektivi dhe synimi i Putin. Ka spekulime se ky është një test për perëndimin, për NATO-n dhe synim për të parandaluar cfarëdo përpjekje të Ukrainës që të aspiroj dhe për të gravitu në sferën perëndimore.
Si kundër që është një përpjekje mbase mund të jetë në funksion për të imponuar një udhëheqje tërësisht pro ruse e cila do ta lidhte Ukrainën me Rusinë si rasti i Bjellorusisë që nuk mund t’i shmangen influencës ruse’, tha Gashi.
Tutje, teksa ka komentuar sulmet ruse, ai theksoi se kjo është mirëmenduar, derisa shton se është “shkelje e hapur e të drejtave ndërkombëtare”.
“Kjo në sytë e opinionit botëror nuk është dashtë shumë me vrojtu me u kualifiku si agresion të hapur si shkelje e të gjitha marrëveshjeve ndërkombëtare. Janë përcjell pamjet e lëvizjeve të qytetarëve për të shpëtuar familjet e tyre por edhe janë përcjell sulmet që nuk kanë zgjedh shumë caqe, pamë godina të banimit civil që ishin granatuar ku siç raportohet ka edhe viktima. Gjithë këtë përshkallëzim duhet me pa si një politikë të mirëmenduar në kuptimin e planeve të tij të Putin dhe një implementim gradual për të ardhur deri te kjo’, shtoi ai në “Këndi i Debatit”./teve1.info/
