Por, ai në emisionin “Respublika” në tëvë1 thotë se për vonesat në këtë proces fajtor janë edhe partitë politike në vend për shkak se e kanë instrumentalizuar këtë çështje.
“Ky proces është stërgjatur dhe qartazi Kosova i ka plotësuar kushtet dhe do duhej të ishte pjesë e zonës ku qytetarët lëvizin pa viza vite më parë. Fatkeqësia jonë është që së pari në rrafshin tonë shtetëror siç e dimë këtë çështje e kemi instrumentalizuar për qëllime partiake dhe konsekuencat i vuajnë të gjithë qytetarët. Kjo duhet theksuar”, u shpreh ai.
Po ashtu, Gashi përmend edhe disa faktorë që sipas tij kanë ndikuar që vendet si Franca të jenë hezituese në këtë drejtim.
Ai thotë se Qeveritë në Francë kanë përdorur faktin se ka pasur një numër të madh të azilkërkuesve nga Kosova.
“Fatkeqësia tjetër është se në plotë shtete të BE-së nuk është që të gjithë ata që kanë shkuar nga Kosova kanë qenë qytetarët më ekzemplarë. Tash këtë nuk e thonë plot veta, por është e vërteta. Kjo ka bërë që në radhët e atyre që kanë agjendë kundër Kosovës, ekstremi i djathtë, i majtë dhe në Francë të përdoren të gjitha mënyrat e mundshme të sulmohet Qeveria atje dhe nëse Kosova kishte prodhuar një numër të konsiderueshëm të azilkërkuesve. Ose rasti me Shqipërinë që ka prodhuar numër të madh azilërkuesish dhe të rjeteve kriminale atëherë kjo i faturohej edhe shtetasve të Kosovës”, shtoi ai.
Tutje, ish-ambasadori thotë se hedhja e gazit lotsjellës në Kuvend nga partitë opozitare në atë kohë është manipuluar nga forca të ndryshme politike që burimin e kishin në Rusi.
“Fatkeqësia jonë ka qenë problem politik i joni kur e humbëm trenin e famshëm që me njëri-tjetrin u kapëm me gaz, por pastaj edhe në Francë është manipuluar nga forca të ndryshme për qëllime elektorale të nxitura edhe nga Rusia sepse stabilizimi i rajonit në përgjithësi nuk i konvenon Rusisë çkado që ka, kurdo që është e mundur të sulmohet Kosova është bërë edhe në Francë, Gjermani, Itali shikoni forcat e ekstremit djathtë e kanë të njëjtën gjuhë që i përdorin sepse burimin e kanë të njëjtin”, shtoi ai.
Gashi u shpreh optimist se ky proces të përmbyllet gjatë vitit të ardhshëm.
“Tash ka ardh momenti që ky kapitull të përmbyllet, shpresoj të përmbyllet vitin e ardhshëm ashtu siç theksohet nga plot burime”, shtoi ai./teve1.info/
