Sipas Mehajt, qëllimi i kësaj stërvitje ku po marrin pjesë edhe forcat turke dhe forcat e tetë vendeve partnere, është sigurimi i bashkëpunimit, koordinimit dhe trajnimit të trupave të FSK-së, në dëborë dhe kushte të vështira dimri.
“Qëllimet e stërvitjes përfshijnë sigurimin e bashkëpunimit dhe koordinimit në operacionin e kombinuar, testimin e aftësive luftarake të trupave, rritjen e sinkronizimit të zjarrit dhe manovrimit, trajnimin e trupave në tema kyçe si: dislokimi, shërbimi i ushqimit, veshmbathja, furnizimi dhe aktivitetet e mirëmbajtjes, mbijetesën, si dhe funksionimin e sistemit të komandës dhe kontrollit në dëborë dhe kushte të vështira dimri”, ka shkruar ai.
Ministri Mehaj, në Facenook ka shpërndarë edhe disa fotografi nga këto stërvitje./teve1.info./
