Forcat e Sigurisë së Kosovës (FSK) kanë shpëtuar sot një fëmijë 2 vjeç në Hatay të Turqisë, nën rrënojat e shkaktuara nga tërmeti që goditi vendin para dy ditësh.
Këtë e ka konfirmuar për teve1.info, Sefer Isufi nga FSK.
Ai bëri të ditur se janë duke bërë përpjekje që ta shpëtojnë edhe nënën e fëmijës.
“Ekipi i FSK-së e ka shpëtuar fëmijën 2-vjeçar dhe në përpjekje vetëmohuese po tentojmë ta shpëtojmë edhe nënën e fëmijës”, bëri të ditur ai.
Siç bën të ditur FSK, ekipet e tyre kanë hasur në viktima në objektet e kollapsuara, por prioritet është duke ju dhënë atyre vendeve ku janë detektuar persona të gjallë, dhe të gjitha ekipet e shpëtimit nga mbarë bota kanë dhënë prioritet për të shpëtuar sa më shumë jetë.
Më 6 shkurt, Turqia dhe Siria u goditën nga tërmete të fuqishme, ku në bazë të përditësimeve të fundit, deri tani numri i viktimave ka shkuar në mbi 11 mijë. /Teve1.info/
