Profesori universitar, Arben Fetoshi, ka thënë se sinjalet që po vijnë nga Ohri, ku po mbahet takimi mes kryeministrit Kurti dhe presidentit Vuçiq, tregojnë se situate atje është e tensionuar veçanërisht mbi palën kosovare.
Fetoshi në Tëvë1, tha se ky tension që po bie mbi palën kosovare ka të bëjë me qëndrimet e kryeministrit Kurti, për mos zbatueshmërinë e Asociacionit të komunave me shumicë serbe.
“Unë jam i bindur që jemi në tentimet e fundit kur Bashkësia Ndërkombëtare do të përpiqet të sigurojë dakordimin e palëve për planin e zbatimit, në mënyrë që pastaj të ecet më sigurt në drejtim të nënshkrimit eventual të marrëveshjes së bashku me planin e zbatimit. Dhe sinjalet që vijnë nga Ohri flasin për një situate të tensionit të lartë edhe në veçanti ndoshta mbi delegacionin tone, duke pasë parasyshë qëndrimin e vazhdueshëm të kryeministrit Kurti dhe Qeverisë sa i përket çështjes së Asociacionit”, tha ai.
Madje sipas Fetoshit, në qoftë se kryeministri Kurti do të vazhdoj t’i rezistojë obligimeve të cilat janë nënshkruar tashmë në marrëveshjen e vitit 2015, me këtë sipas tij, do ta trimëronte edhe më shumë presidentin serb.
“Mendoj se Qeveria jonë e ka gabim në qoftë se vazhdon të rezistojë sa i përket obligimit që del nga marrëveshja e vitit 2013. Në këtë kuadër kam dronë që ky mospajtim lidhur me Asociacionin mund ta trimërojë edhe më tutje Vuçiqin, që të insistojë te një marrëveshje e cila e përjashton interepretimin e Gjykatës Kushtetuese të marrëveshjes 2015 me qëllim që të sigurojë një gjasë për Asociacion me kompetenca ekzekutive e që në këtë rast do të ishte fatale për Kosovën”, shtoi ai në emisionin “Këndi i Debatit” /teve1.info./
