Korporata Energjetike e Kosovës ka njoftuar se erërat e forta që kapluan një pjesë të konsiderueshme të Kosovës, kanë shkaktuar dëme në përçuesit elektrikë dhe në shtyllat elektrike të disa rajoneve.
Sipas njoftimit thuhet se rajonet më të prekura janë Ferizaj, Prishtina, Mitrovica dhe Peja.
“Ekipet e terrenit të KEDS-it ndodhen në vendngjarje të prishjeve dhe po punojnë intensivisht deri në sanimin e dëmeve të shkaktuara në rrjet”, thuhet në njoftim.
Teksa nga KEDS-i është kërkuar mirëkuptim nga ana e konsumatorëve, teksa thuhet se prishjet në rrjet si shkak i erërave do të rregullohen sa më shpejt që është e mundur./teve1.info./