Njëri rast ka ndodhur në një xhami në rrugën “Ilir Konushevci”, teksa imami i xhamisë ka raportuar se persona të panjohur janë futur brenda xhamisë dhe kanë vjedhur arkën.
Policia ka bërë të ditur se në këtë rast janë vjedhur afro 150 euro, raporton teve1.info
“VJEDHJE E RËNDË/Rr. Ilir Konushevci, Prishtinë 07.01.2023 – 06:48. Ankuesi mashkull kosovar-imam, ka raportuar se persona të panjohur, me forcë kanë depërtuar në brendinë të xhamisë dhe nga arka i kanë vjedhur rreth 150€ kesh (para). Rasti në procedurë hetimore”, thuhet në raport.
Ndërsa rasti i dytë ka ndodhur në rrugën “Ibrahim Lutfiu”.Imami i xhamisë ka raportuar se është thyer arka dhe janë vjedhur 5 euro.
“Rr. Ibrahim Lutfiu, Prishtinë 07.01.2023 – 11:00. Ankuesi mashkull kosovar-imam, ka raportuar se persona të panjohur, me forcë kanë depërtuar në brendinë e xhamisë, e kanë dëmtuar-thyer arkën e xhamisë ku kanë vjedhur 5€ dhe kanë dëmtuar kamerat e sigurisë, rasti në procedurë hetimore”, thuhet në raportin e Policisë./teve1.info
