Ai në një lidhje direkte në emisionin “Ditari” në Tëvë1 deklaroi se reshjet e mëdha kanë qenë në qytet, përfshirë edhe objektet publike si shkollat dhe Qendrat e Mjekësisë Familjare.
“Shtëpi deri më tani sa janë lajmëruar në Qendrën emergjente por edhe kujdestarinë e Zjarrfikësave i kemi rreth 100 por e dimë që janë me qindra tjerë që nuk janë lajmërur dhe kanë bërë intervenime në përdhesa të veta bodrume të shtëpive. Dmth reshjet e mëdha kanë qenë në qytet dhe periferi dhe kemi pasë mëngjesin e së shtunës ngritje të nivelit të ujit maksimal në qytet”, tha ai.
Po ashtu, Sejdiu bëri të ditur se janë evakuuar dhe shpëtuar nga përmbytjet nëntë familje me rreth 80 anëtarë, të cilëve thekson se u kanë ofruar edhe strehim.
“Po ju njoftojë se kemi pasë probleme me banorë afër lumit aty kemi intervenu dhe i kemi largu nga përmbytja banorët në rend të parë 9 familje me rreth 80 anëtarë janë larguar, ne ju kemi ofru edhe banim të përkohshëm në Aeroportin e Gjakovës. Ministria e Mbrojtjes na e ka ofru banimin për këta banorë mirëpo kanë refuzu, kanë dashur të shkojnë te të afërmit e tyre”, tha ai.
Drejtori i Emergjencave theksoi se kanë ofruar mbështetje financiare edhe për obligimet e qerasë për banorët por edhe kanë shpërndarë pako ushqimore dhe veshmbathje.
“Kryetari u ka ofru mjete financiare që me kry obligimet e qerasë nëse marrin banesa me qera gjatë kësaj kohe deri në vitin tjetër sepse është duke u ndërtu objekt për banim social veç është duke u ndërtu dhe u ka premtu atyre banorëve mbështetje… Zyrtarët e Mirëqenies Sociale pranë Drejtorisë së Shëndetësisë i kanë ndihmuar me disa pako ushqimore dhe veshmbathje ata banorë kjo është ndihma e parë, vazhdon heqja e ujit në objekte përveç pronarët që heqin vet edhe në objekte si shkolla, ambulanta janë duke punuar”, shtoi ai.
Kurse, sa i përket kompensimit të dëmit, Sejdiu thotë se sapo të mbledhin raportet në terren do t’ia përcjellin ministrive përkatëse.
“Ministri i Bujqësisë ka dhënë një afat në nëntor me u përfundu pagesat nga dëmet e shkaktuara megjithëse bujqësia ka dëme megjithëse jemi në fazë të vonshme por jo në masë të madhe më e dëmtuar është amvisëria”, shtoi ai.
Ndërkaq, Sejdiu u shpreh se Komuna nuk ka ndonjë fond rezervë për dëme nga fatkeqësitë.
“Komuna nuk ka rezerva të ndara për ndonjë dëm përveç Qeveria dmth Komuna secilën pjesë të buxhetit me projekte që i parasheh në buxhetin e vitit që e cakton nuk kam njohuri që ka naj buxhet për këso dëmesh”, shtoi ai./teve1.info/