Sipas Zyrës së Kryeministrit, në këtë takim u theksua nevoja për angazhim konstruktiv në dialog, përcjell teve1.info
“U diskutua edhe për procesin e dialogut, planin Evropian dhe për raportet ndërmjet Kosovës dhe Serbisë. U theksua nevoja për angazhim aktiv dhe konstruktiv në dialog dhe për intensifikim të përpjekjeve drejt normalizimit të plotë të marrëdhënieve ndërmjet Kosovës dhe Serbisë me njohjen reciproke në qendër”, thuhet në njoftim.
Teksa bëhet e ditur se kryeministri Kurti e njoftoi Chollet me punën dhe arritjet e Qeverisë gjatë vitit që lamë pas.
“Ai ndau me të indikatorët më të fundit ekonomikë dhe demokratikë në vend, dhe nënvizoi qëllimet e përbashkëta për zhvillim dhe demokratizim. Kryeministri Kurti e falënderoi Këshilltarin e Lartë, Chollet për vizitën, komunikimin e vazhdueshëm dhe për angazhimin e tij. Shtetet e Bashkuara të Amerikës janë partner dhe aleat i domosdoshëm i Republikës së Kosovës, u shpreh kryeministri Kurti, teksa vuri theksin te synimet e vendit për partneritet edhe më të fuqishëm me Shtetet e Bashkuara të Amerikës dhe integrim në NATO”, thuhet në komunikatë.
Gjatë qëndrimit në Kosovë, Chollet ka zhvilluar takim edhe me presidenten e vendit, Vjosa Osmanit. Pas Kosovës, më 12 janar, ai do të shkojë edhe në Serbi. /Teve1.info/
