Këtë iniciative ligjore e kanë përkrahur edhe mazhoranca dhe një pjesë e opozitës, ndërsa PDK-ja ka kërkuar kthimin në qeveri të tij.
Elbert Krasniqi, tha se përmes këtij plotësimi mund të bëhet funksionimi më i mirë i vetëqeverisjes lokale.
“Ligji për vetëqeverisjen lokale është ligj me interes vital. Duke marrë parasysh rëndësinë e tij dhe faktit se janë bërë 10 vjet nga legjislacioni për vetëqeverisjen lokale, kemi paraparë që është e nevojshme të bëhen disa ndryshime. Ato nuk prekin sistemin e vetëqeverisjes lokale dhe çështjet që kanë të bëjnë me të drejtat e komunitetit jo shumicë, por vetëm çështjet për funksionimin më të mirë të këtij niveli të qeverisjes”, tha ai.
Përmes deputetit Agim Veliu, përkrahje këtij projektligji i ofroi edhe Lidhja Demokratike e Kosovës.
Ndërsa rezerva shprehu shefi i grupit parlamentar të PDK-së, Abelard Tahiri.
“Sot ky Projektligj duhet të tërhiqet dhe të shtrohet në diskutim me asociacionin e komunave. Pra unë sa arrijë të kuptoj, si mund të votojmë ne sot pavarësisht se e ka leximin e dytë kur e ki kryetarët dhe asociacionin e komunave kundër”, tha ai.
Pas këtij diskutimi, deputetët e Kosovës shkuan në pauzë deri në oren 15:30.
