KEDS-i ka bërë të ditur se ekipet e tyre ndodhen në terren në Pejë, Mitrovicë e Skenderdaj dhe kanë bërë shkyçjen e disa daljeve nga furnizimi sepse disa shtëpi janë përfshirë nga vërshimet, raporton teve1.info
Krejt kjo për shkak të sigurisë së banorëve dhe të punëtorëve të KEDS-it.
“Si pasojë e reshjeve edhe rajonet e Pejës, Mitrovicës, Skenderajt dhe Vushtrrisë tashmë janë vërshuar dhe, përveç dëmeve në infrastrukturë, është prekur edhe rrjeti elektroenergjetik. Ekipet e KEDS-it të këtyre Distrikteve ndodhen në terren dhe në Pejë, Mitrovicë e Skenderaj janë detyruar të bëjnë shkyçjen e disa daljeve nga furnizimi, meqë disa shtëpi janë përfshirë nga vërshimet”, thuhet në njoftim
Kjo ndodh për shkak të sigurisë së vetë banorëve dhe të punëtorëve të KEDS-it, të cilët deri më tash në disa zona kanë arritur të riparojnë dëmet e shkaktuara dhe po punojnë vazhdimisht në eliminimin e tërësishëm të tyre.
