Sipas Demhasajt, kjo po ndodh për shkak se kryeministri Kurti ka premtuar që nuk do të ketë negociata me Serbinë për çështje të targave.
“Me sa po e analizoj unë zotëri Kurti e ka pasur problem ta pranojë një marrëveshje për targat, sepse e patën thënë në publik disa herë se ne nuk shkojnë me negociu më për targat në Bruksel me Serbinë sepse është çështje e brendshme, është çështje e jona dhe se nuk e negociojnë këtë çështje, por përfunduan duke e negociu. Dhe tash nuk po duan ta pranojnë që po e negociojnë këtë çështje dhe sot si duket zotëri Bislimi ka ra në njëfarë mënyre si kurban i asaj që zotëri Kurti s’ka dashirë vet ta nënshkruaj, ose me e pranu një marrëveshje të tillë për targa. Dhe ai tash shkon atje për me arritë një marrëveshje për targat sepse po e shohim se problem është me e zbatu vendimi i Qeverisë”, tha ai në emisionin Këndi i Debatit”.
Kurse sot është duke u mbajtur takimi mes kryenegociatorit kosovar, Besnik Bislimi dhe atij serb, Petar Petkoviq për çështjen e targave./teve1.info./
