Demhasaj përmendi edhe disa qëndrime të vendeve të fuqishme të BE-së, të cilat veçse kanë deklaruar që Serbia nuk mund të hyjë në BE pa njohur Kosovën fillimisht.
“Në momentin kur vjen faza finale e Serbisë për të hyrë në Bashkimin Evropian, atëherë mund t’i kërkohet Serbisë si kusht njohja shprehimore e juridike e pavarësisë së Kosovës. E dimë që ka qëndrime të prera të vendeve të fuqishme të Bashkimit Evropian, që Serbia nuk mund të hyjë në Bashkimin Evropian pa e njohur Kosovën. Prandaj, kjo është tendenca të fillojë dialogu me njohje faktike, pa pasur nevojë të dialogojë më Kosova me Serbinë”, deklaroi Demahasaj në emisionin “Këndi i Debatit” në Tëvë1.
Ndërkaq, sa i përket idesë për shkëmbimin e territoreve, Demahasaj theksoi se nuk mund të ketë më skenare të tilla, pasi sipas tij, as perëndimit nuk i pëlqen më kjo ide.
“Nuk mund të ketë më skenare që flet për idenë e shkëmbimit të territoreve. Çdo tentativë e perëndimit për ta dërguar marrëveshjen finale me idenë e korrigjimit apo të shkëmbimit të territoreve, vetëm i jep legjitimitet Rusisë”, u shpreh Demhasaj tutje.
Prandaj, Demahasaj vlerësoi se shtyrja e kësaj ideje nuk mund të përfundojë më vetëm mes Kosovës dhe Serbisë./teve1.info/.
