Në një lidhje direkte në “Këndin e Debatit” në tëvë1, ai deklaroi se në kontekst të zhvillimeve në Ukrainë, BE e shikon si prioritet Ballkanin Perëndimor.
“Përveç projekteve dhe marrëveshjeve që u nënshkruarn mbështetjes financiare ajo çfarë është më e rëndësishmja është dëshmia e serioziteit të BE për të përfshirë Ballkanin Perëndimor në gjirin e vet të familjes së BE dhe zhvillimi i këtij Samiti për Ballkanin Perëndimor në një vend si Shqipëria tregoi edhe në mënyrë simbolike që BE në kontekst të zhvillimeve në Ukrianë e shikon si prioritet Ballkanin Perëndimor”, tha ai.
Po ashtu, si pozitive ai e sheh edhe prezencën e të gjithë liderëve të Ballkanit Perëndimor në këtë Samit.
“Ky ishte një hap i madh përpara për gjithë vendet e Ballkanit Perëndimor nga ana tjetër dua të shtoj se edhe prezenca e gjithë liderëve e lehtëson dialogun pjesën më të vështirë që ka Ballkani Perëndimor pra kontekstin e pazgjidhur mes Kosovës e Serbisë mendojë se në kontekstin diplomatik i dha shtytje shumë serioze lehtësimit të zgjidhjes në një marrëvedhje të përbashkët”, tha ai.
