Siç thotë ai, Lajçak ka qenë politikan anti-Republikës së Kosovës, dhe lobimi i tij për njohje nga shtetet jonjohëse, është “një tragjikokomedi që e ka vendosur Kosova veten”, përcjell teve1.info
“Ne kemi aplikuar në UNESCO. Dhe ne kemi dështuar, për dy vota. Dhe njëri prej njerëzve që e ka dështuar aplikimin në UNESCO është vetë Lajçaku i cili ishte ministri i Punëve të Jashtme i Sllovakisë dhe i cili neve na ka premtuar votën, dhe ne nuk mund të aplikojmë tani më, sepse nuk mund ti të aplikosh sa herë ty të konvenon…unë e marr pak si ofenduese këtë punën e Lajçakut. Ai ishte politikan anti-Republikës së Kosovës, të lobojë për njohje nga shtetet jonjohëse, më duket sikur një tragjikokomedi që e ka vendosur Kosova veten”, deklaroi ai.
Në anën tjetër, Cana theksoi se Kosova e ka të suspenduar politikën e jashtme. Sipas tij, çdo aplikim në Bashkimin Evropian që nuk është i koordinuar, e dëmton shtetin.
Cana thotë se nuk mund të aplikosh në BE, nëse nuk e ke njohjen nga pesë shtetet.
“Ne nuk kemi ministër të Punëve të Jashtme. Nëse e shohim në të gjitha takimet e rëndësishme, prezenca e ministres së Jashtme, ose nuk është aty ose është vetëm protokollare…ne kemi aplikuar tani për anëtarësim në BE. Ne mund të aplikojmë, por çdo aplikim nëse nuk koordinohet e dëmton Kosovën. Nuk ka aplikim për statusin kandidat në BE, nëse ti nuk ke njohje nga pesë shtetet”, tha ai në “Ditari” në Tëvë 1.
