Sipas tij, kryeministri Albin Kurti ka një qasje populiste e cila po dëmton Kosovën.
“Unë mendoj që janë edhe disa kauza populiste të cilat kanë qenë, ka qenë demarkacioni, të cilin ata që e kanë kundërshtuan, në fund është dashur ta nënshkruajnë, dhe tani si duket edhe vetë kryeministri Kurti do ta nënshkruajë këtë Asociacion, por problemi për kryeministrin Kurti është emërtimi…vetë fakti që ti e ke një kryeministër i cili vjen në pushtet me një përqindje të paparë 51% dhe deklaron që negociatat apo marrëveshja me Serbinë është në pikën numër shtatë, e të gjithë e kanë ditur që nuk është, sepse kanë ra shumë qeveri për këtë çështje, tregon që ky ka një qasje populiste dhe kjo është çka e dëmton Kosovën”, tha ai në “Ditari” në Tëvë 1.
Cana deklaroi se po të ishte Kurti një politikan sikurse deklaron veten “ai do të ishte proaktiv në draftimin e statutit në përputhej me Kushtetutën e Kosovës dhe në përputhje me marrëveshjen dhe vendimin e Gjykatës Kushtetuese”.
Ambasada e Shteteve të Bashkuara të Amerikës në Kosovë ka konfirmuar për teve1.info se më 31 janar së bashku me partnerët në Prishtinë do të diskutohet për Asociacionin e Komunave me Shumicë Serbe.
