Sipas tij, kjo për faktin se pagat e gjyqtarëve në Kosovë rregullohen sipas ligjit bazik i cili është Ligji i Gjykatave në Kosovë dhe siç tha ai, Ligji i Gjykatave është ai që përcakëton kufizime se në cilat situata mund të ndodhë zvogëlimi i pagave të gjyqtarëve.
“Sipas këtij Ligji pagat e gjyqtarëve mund të zvogëlohen vetëm në rast se Këshilli Gjyqësor i Kosovës shqipton masa disiplinore ndaj gjyqtarëve dhe në rastet kur ata dtth bëjnë sjellje të pahijshme ose shkelje të detyrave gjatë ushtrimit të funksionit të gjyqtarëve”, tha ai.
I ftuar në emisionin “Ditari” në tëvë1 Bugaqku theksoi se nuk është praktikë e mirë as kushtetuese, as parlamentare që me akte administrative të zvogëlohen pagat e gjyqtarëve.
“Nuk është praktikë e mirë as kushtetuese, as parlamentare që me akte administrative e nënligjore të kufizohen apo të cënohen të drejtat e fituara në këtë rast… Nuk guxojnë të zvogëlohen me akte nënligjore siç është akti i Qeverisë së Republikës së Kosovës”, shtoi ai.
Sot Qeveria e Kosovës ka shfuqizuar vendimin e nxjerrë në vitin 2017 nga kabineti qeveritar i Ramush Haradinajt për ndryshimin e pagave të gjyqtarëve dhe prokurorëve.
Kurse në një konferencë për medie, kryesuesi i Këshillit Gjyqësor të Kosovës (KGJK), Albert Zogaj, ka theksuar se ky vendim është ndërhyrje në sistemin gjyqësor, teksa bëri të ditur se kanë marrë vendim që puna e gjykatave të reduktohet dhe të punohet vetëm me shërbime esenciale./teve1.info./
